TROPEI

TROPEI

memorati Suetonio, in Claudio, c. 8. Et quoties post cibum obdormisceret, (quod fere ei accidebat) olearum ac palmularum ossibus incessebatur, interdum ferulâ flagrôve, velut per ludum excitabatur a Tropeis: solebant et manibus stertentis socci induci; Scurrae videntur fuisse, qui, postquam Claudium percusserant, statim ne deprehenderentur, se verterunt, ioculari motu, quod lusus erat genus: Α τροπεῖν, quod vertere denotat. Copreas autem legit Adrian Turnebus, Adversar. l. 22. c. 32. Sed quinam illi essent, non explicat; facit vero id Ios. Scaliger, in Festum, l. 17. in voce Scurrae. Alii Crepi legunt, et Lupercos intelligunt, quorum sollennis mos erat, obvios ferulis pelle contectis verberare. Alii aliter: mire enim vexatus hic Suetonii locus est. Non paenitendam sententiam affert, Marcell. Donatus Ponzanus Dilucid. p. 639. ubi ait, se suspicari, id ludi denatari genus, quod astragalis exercebatur. Iactantes enim aspiciebant scrobem, in quam iactati calculi seu globuli excipiebantur, idque corpore non semel obversô: et in Lexic. Graec. τρόπα, redditur, ob versio, ludi genus. Vide Thom. Dempster. Paralipom. in Rosin. l. 5.